Xatirələr dəftərindən bir yarpaq (Pr. Dr. Əli Minayi, 1924-2002)

İllərdən bəri uzaqdan-uzaqa sənin nəcib adını eşidib, meh- riban səsinizi telefon arxasında dəfələrlə duysaydımda, ancaq hər zaman yaxından görüş arzusunda idim.

Birinci xatirə:

… il payız mövsümi gəlib çatmışdır, təbiətin qoynundakı bütün ağacların yaşıl yarpaqları saralıb, qızarıb və xəzan ol- maqda idi, başqa tərəfdən payızın soyuq və səs-küylü yelləri ağacların saçını yolmuşdur. Yerə tökülən xəzəlləri, amansız əsən yel göydə firildadırdı, günün işığını üfüqlərdən çəkib və qaş qaralmışdı, axşamçağı idi.

… Evdə yazı-pozu işləri ilə çalışarkən telefon səsləndi. Bu- yurun… ! Cavadam, salam. Necəsiniz ağa Haşimi? İstərdim ki, ən sevdiyimiz insanlardan biri sayılan yəni ustad Mina- yi bu gecə qonağımızdır, durun gəlin bizə! Sevinib Cavad bəydən təşəkkür edərək , dedim: Baş üstə, tez gəlirik.

Yarım saat çəkmədən həyat yoldaşım Sona xanım ilə birgə yaxındakı çiçək satan dükkanından bir dəstə çiçək alıb mənzil başına yollandıq. Məsafə yarım kilometrdən artıq deyildi, öncə qeyd etdiyim kimi, havanın soyuqluğu və dəhşətli yelin əsməsi eləcə davam etməkdə idi. Papağımı başımda əlimlə saxlamaq məcburiyyətində qalmışıdım. Nə isə bu duruma baxmayaraq, gəlib məqsədə çatdıq və mizbanın qapısının zəngini basdıq, mikrofon ilə dedilər:

– Buyurun üstə… mənzil əski bir binada dördüncü mərtəbədə yerləşmiş idi. Lift (asansor) pillələrdən, canımızı qurtardı, mənzilin içəri qapısına çatdıq, bu qapı açıq idi. Öncə Cavad bəy və onun həyat yoldaşı Şahnaz xanım ilə görüşdük. Səsimiz qapının giriş yerində ucalarkən, içəri salondan çıxıb bizə doğru gələn orta boylu, saçları və bığları ağarmış, ba- şında qara papaq, xoş simalı, gülər üzlü və parlaq bir insanı qarşımızda gördük. Demək oda, bizi qarşılamağa çıxmışdır. Bu zəkalı insan, qudrətli rəssam, əsrimizim miniatür ustası və yorulmaz qayğıkeş Nəsrulla oğlu, usta Minayi Təbrizlı idi! Öncə həyat yoldaşım Sona xanımla görüşüb, xoşgəldin dedi və sonra mən salamlaşıb usta ilə qol-boyun olduq.

Qonaq otağında ustanın yanında oturdum. Ustanın dərin se- vincini parlaq gözlərindən, simasından və uca səs ilə şən danışı- ğından duydum. Qəddar zəmanənin keçmişindən söz açarkən mən, rəhmətli Mirzə Nurula xan Yekanlını sordum. O dedi: Bəli, O möhtərəm mübariz şəxsiyyəti yaxşı tanıram və mən rəhmətlik Mirzə Nurula xan ilə çox səmimi idim. Həqiqətən o qeyrətli, cəsarətli və zəkali kişini Azərbaycanımızın qəhrəman və unudulmaz bir mübarizlərindən sanırıq. Mirzə Nurula xa- nın adı tariximizin parlaq səhifələrində dərc olunmuşdur! Mən dedim ki, o, bibim tərəfindən mənim qohumum sayılır. Usta sevinərək dedi ki, sənin də siman ona oxşayır.

Usta, Azərbaycan demokrat firqəsindən söz açdı və olay- ları və həqiqətləri canlı bir tarix kimi, bəyan edirdi… elə bil ki, hadisələr dünən baş vermişdi. Rəhmətli Mir Cəfər Pişəvəridən Azərbaycan Demokrat firqəsinin qartalı kimi ad apararaq, ona sonsuz hörmətini bildirirdi. Usta macəralı həyatının eniş- yoxuşuna toxunaraq belə dedi:” Azərbaycan milli hökuməti dövrü mən 20 yaşında idim və hökumət tərəfindən Bakı universitetində təhsil almaq üzərində bir neçə Azərbaycan gəncləri ilə Quzey Azərbaycana göndərildim. Təəssüflə mil- li hökumətin ömrü bir ildən artıq olmadı və gənc hökumət, Tehran hakimiyyəti tərəfindən qanla boğularkən, mənimdə taleyim başqa vətəndaşlarımız kimi çox acı və kədərli oldu. Zavallı və məzlum anam (Mənzər xanımın) gözləri ömür boyu oğul yolunda qaldı. Bu gün yarım əsrdən artıqdır ki, doğma El-obamdan və şanlı vətənimdən uzaqlarda yaşamaq məcburiyyətindəyəm.

Usta sözlərini belə davam etdi:

– Bakıda Mühəndislikdə fəlsəfə doktorluğu dərəcəsi (Foq diplom) alıb və təhsilatımın davamında dokturluq əldə et- dim. Demək olar, Bakının Şərqşünaslıq İnstututunun şərq xalqları Kültürel və memarlığı sahəsində baş araşdırıcı və Azərbaycan Rəssamlar birliyinin üzvü və azad rəssamlıqda iştiğal dərəcəsinə nail oldum. Azərbaycan xalçası, miniatür tablolar və xəttatlıq işlərində çalışırdım. “Əbdülkərim Qasım” hərəkatından sonra Bağdada dəvət oldum və oranın incəsənət Akademiyasında dərs verərək və bir sıra kültürel binalar, o cümlədən Bağdadın milli operası, muzey, kitabxanaları plan- laşdırmaqda əmək sərf etmişəm.

-Biraz sükut etdikdən sonra söhbəti yenə belə davam etdi: İran, İraq müharibəsi başlarkən, siyasi səbəblərə görə, işdən qırağa qoyulub və çıxışım bu ölkədən yasaqlandı. Ancaq təhlükəli durumda İraqı tərk etməyə başarılı oldum. Qədim Sovetin yaramaz işlərini açıq və aşkar tənqid etdiyimə görə orada xalq düşməni tanınmış idim, buna görə Almaniyada sığınacaq aldım. İraqda olarkən İran xalq mücahidləri dəfələrlə məndən əməkdaşlıq təmənasında oldular. Amma bu işə razılıq verməməyimə görə, sui-qəsd təhlükəsindən can qurtardım və hətta bu qurumlar tərəfindən Almaniyada da əvvəllər sui- qəsd təhlükəsinə məruz qalmışdım

Ustanın danışıqları o qədər səmimi və şirin idi ki, ayrılmaq istəmirdik. Amma saat 24 radələrində gecəniz xeyrə qalsın diyə bu gözəl xatirəli gecədə ustadan və mizbanlardan ayrılıb, evə doğru yollandıq.

İkinci xatirə

Mən və dostum Yaqub Şamxi bəy tərəfindən “Varlı- ğın səsi” dərgisinin Malmo şəhərində nəşrə başlamasın- dan ibarətdir. Usta Minayi ilə bu barədə bir gecə telefonda danışarkən, O, bu dərginin Azərbaycan nəşriyyatı sırasında yer tutmasına maraqla razılıq göstərdi. Sevinə-sevinə dedi ki, belə dərgilərin çoxalması xalqımızın oyanış mərhələsində artıq yararı olacaqdır. Mən də çalışacağam yazılarımı davamlı şəkildə “Varlığın səsi” dərgisinə göndərmiş olam. Təəssüflə deməliyəm, maddı cəhətdən hələ ki, ciblərimdə “siçan” gəzir… Bağışlayın! Amma fırçamla neçə-neçə Azərbaycan abidələrindən kartpoçtal hazırlamalıyam ki, onların gəliri bütün dərgini maliyələşdirməkdə yardımcı olsun. Ustanın birinci yazısı”Solğun xatirə yarpaqlarından”adlı bir sanballı məqalə və “Təbriz səncaqı” adı ilə qoşduğu şeir dərgimizdə nəşr olundu.

Üçüncü xatirə:

2000-ci ilin birinci yarısında, Almaniya səfərində ol- duğum vaxt, çalışdım bu səfərdə usta Minayini öz evində yaxından ziyarət edim. O zaman ustanın ayaqları üzərində xəstəxanada cərrahlıq əməliyatı apardıqdan sonra öz evində istirahət etməkdə idi.

Almaniyada yaşayan müştərək dostumuz Seyfəddin Hatəmloi cənabları ilə görüş haqqında öncədən qərar alaraq, Seyfəddin, görüşün zəhmətinə qatlanmış idi. Nə isə, “Düsseldorf” şəhərindən, “Bonn” şəhərinin yaxınlıqında yerləşən bir şəhərcikdə mizbanların evinə doğru yollandım. Seyfəddin bəy və onun həyatyoldaşı Şeyda xanım evdəidilər. Naha- rı bu mədəni və qonaqpərvər mizbanların evində keçirtdik. Nahardan sonra Seyfəddin bəy ilə birgə , görüş üçün ustanın evinə yollandıq. Fürsət az olduğuna görə, bilmədim bir dəstə çiçək ala bildik, ya yox. Bir azdan sonra maşını hündür bir binanın yaxınlığında saxlayıb, binaya doğru getdik, Hamaşım evin ünvanını yaxşı tanırdı. Pillələrdən yuxarı qalxıb, qapı- nın zəngini basdıqdan sonra, usta özü qapını açıb və sevinclə həyatyoldaşı Gülnisa xanım ilə birgə bizi qarşıladılar.

Usta, asta-asta yol gedərək bizi salona dəvət etdi və ar- dınca çay gəldi. Evin döşənəcəyinin sadəliyi insanın ürəyinə yatırdı. Ustanın hünəri əsərləri hər şeydən artıq evdə gözə çarpırdı. Belə təsəvvür edirdim ki,Almaniyada yox, bəlkədə qocaman Təbrizdə ən qayğıkeş və mədəni bir ailənin evində oturmuşuq. Usta bir neçə əl əsərlərindən göstərərək, ulu şairimiz Məhəmməd Hüseyn Şəiriyarın Heydər baba əsərinin miniatürünün hazırlamasından söz açdı. Bunun ardınca milli şairimiz Bəxtiyar Vahabzadənin yeni çıxan gözəl bir şeir ka- setini ustaya təqdim etdim. Ustanın istirahətini nəzərə alaraq, bir saatlıq görüşdən sonra bir daha onu bağrımıza basıb və oradan ayrıldıq.

Dördüncü xatirə:

Usta mənə bir məktub göndərərək, o məktubda belə ya- zır: “Möhtərəm Haşimi cənablarına! Salam! Qoşmada göndərdiyim bu mətnin təklif şəklində yayılmasına necə baxırsınız?

Mən hökumət hesabına Bakıya (DAKa) dəvət olunmuş- dum. Kefsiz olduğuma görə gedəbilmədim.! Bu yazını peyğam şəklində qurultay iştirakçılarının nəzər və müzakirəsinə verilməsini səfirliyə bildirdim. Aldığım məlumata görə, səfirlik qurultay açılmamışdan bir gün əvvəl, onu teleqraf- la Bakıya göndərmişdir. Amma belə məlum olur ki, iclasda oxunulmamışdır.

Yəqin ki, siz EVRENSEL cəridəsində yayılmış 2001-ci il sentyabr ayının 8-də (Nr:48) tarixli müsahibəm ilə tanışsınız. Başlığı belədir:”Qardaş mamiləsinə ehtiyacımız yoxdur! Bu- nunla, Dak üçün göndərdiyim mətləbi tutuşdurun və lütfən nəzərinizi bizə bildirin”! Hörmətlə, Əli Minayi, 15-12-2001

Almaniyadakı Azərbaycan səfirliyinə göndərilən məktub belə idi:

Əziz sərvərim! İlmaz bəy!

Aliməqam səfirliyin bizə göstərdiyi ən nəcib sentimental fürsətdən yararlanaraq, milli müqəddəratımızın perspektiv həlli ilə ilgili, tükənməz arzu və təkliflər silsiləsindən bir neçə mühüm nimunələrini aşağıda da nəzər-diqqətinizə çatdırır və səlahiyyətinizin imkanı dairəsində onların Bakıda keçirilən hörmətli DAK nümayəndələrin müzakirəsinə verilməsini rica edirəm!

Odlar yurdunun “döyüş şəhəri”-Bakının yanar qəllbi ilə həmdəm olan vüqarlı DAK ın möhtərəm elçilərinə bir qucaq ürək nisgillərim:

Dumanlı Təbrizi salamla, ordan “təzə Piri damından”, “Qız qalasından”!

Umuram ki, BMT-in insan hüquqlarından müdafiə cəmiyyətinin, dünya təhlükəsizlik təşkilatı və başqa-başqa de- mokratik-humanitar ictimaiyyətinin, “Daşnaksutyun” işqalçılığına qarşı vaxtı ilə çıxardıqları qərar və xəbərdarlıqlara yenidən baxılması, inadla tələb edilsin. Bu əsasda Azərbaycan Respublikasının, toxunulmaz suverən ərazisində erməni ter- rorçuların törətdikləri saysız-hesabsız, ən vəhşi cinayətlərini açıqlayan kəskin, beynəlxalq protest nümayişlərin təşkilində əməli addımlar atılsın! İnanın ki, ağlamayan uşağa süd verməzlər!

Umuram ki, böyük qonşumuz Türkiyə cümhuriyyəti baş- da olmaqla, Azərbaycan Respublikası və orta Asiyanın türk dilli müstəqil respublikaları arasında hər hansı təcavüzkarlığa qarşı qanunu müdafiə paketinin hazırlanması üçün müvafiq təkliflər irəli sürülsün! Bu çoxdan olsa idi problemlərin çoxu həll olmuşdur.

Ayıq-sayıq, bəsirətli soydaşlara məlum olduğu kimi, bu günki, dünyamızın siyasi panuramasında (mənzərəsində) nəzərə çarpan terrorizmə qarşı mübarizə ideyası artıq bir sıra dövlətlərin də nəzərini cəlb edərək, terrorizmin qəti imhası üçün hərbi səfərbərliyə qalxmışlar… “Qlobal müharibə”!! tərzində Asiyanın, orta şərq məntəqələrinə doğru yürüşə keçən bu müttəfiq “antı terrorist” quvvələrin başlıca hədəfi, ancaq və ancaq Əfqanistanda yuva salmış “Bir sürü quldur və təxribatçının 11 sentyabr” faciə sinə görə suçlanan qara qrup terrorist ünsürlərin məhv edilməsinə yönəlmişdir!!… Çox təbiidir ki, bunlar yaşıl planımızın sülh və səfali məntəqələrinin, dönüm-döngələrində, fitnəkar quvvəsini gizləyən və ara sıra “11 sentyabr faciəsindən” daha acına- caqlı dəhşətlər törədən terrorçuları bütün sıradan çıxmalarını iddia etmək olmaz! Terrozizm ilə mübarizəyə qalxan iqtidar başçıları, bu mənada əgər “Xəzəryanı ölkələrədə bir qədər diqqət etmiş olursa, o zaman “dəvədən böyük fil var”! tim- salında onlar yəqin şərq kontinetinin bu zonasına daha unu- dulmuş terrorçu qrupların ifunətli mərkəzini tanımış olarlar! İran, Rusiya və erməni lobistlərinin maddi-mənəvi yardım- ları ilə qıdalandırılan erməni Daşnaksutyun saldırqanları tərəfindən, Azərbaycan cümhuriyyətinə qarşı yönələn sa- vaş qayda-qanunlarına sığınmaz, iyrənc qanlı muamilələrin, habelə milli zülmün boğucu qara buludları altında inləyən Güneyə qarşı islam donuna bürünmüş qəddar hakim, şovi- nizmin çirkin davranışlarının ümumi faciə mənzərəsindən anti-terrorist mübarizə təşəbbüskarları mütəəssir olmaya bilməz! Zənnimcə Azərbaycan hökumətinin BMT-NATO- AVR.B-in tanınmış üzvü olmuş etibari ilə, onun terrorizmə qarşı beynəlxalq mübarizə axınına qoşulmasına və anti terro- rist böyük dövlətlərin müsbət nəzər və himayəsini, məntəqə terrorizminə qarşı mübarizə də cəlb etməsinə qanuni haqqı vardır!…

Müstəqil Quzey Azərbaycan, Güney Azərbaycanda milli azadlıq hərəkatının dirçəlişinə ən mühüm dayaqdır. Respublikanın iqtisadi, sosial və siyasi qudrətinin artıb, möhkəmlənməsi güneydəki hərəkata ilk növbədə ruh verəcək amildir! Buna elə bu gün Bakıda keçirilən DAK qurultayı- nı bariz misal göstərmək olar. Çünki, indiyədək dünyanın müxtəlif yerlərində azərbaycanlı mühacir dərnəklərin qu- rultay səciyəli toplantıları bu gün artıq doğma yurdumu- zun tam azad, müstəqil parçasında keçirilməkdədir. Milli müqəddəratımızın problematik məsələləri ilə sıx ilgilənmiş oturumun məhz belə məziyyətinə, onun olduqca böyük si- yasi əhəmmiyyətə malik olması inkar edilməzdir! Təbii ki, bu vadidə şanlı Bakı qurultayı, özündən əvvəlki DAKın fəaliyyətini nəzərdən keçirərkən demokratik prinsiplərə əsaslanaraq onların xüsusən quzey və güney ilə qarşı-qarşılığı həmrəylik əlaqələrin möhkəmlənməsi baxımından iş platfor- muna dair etdiyi bir sıra məsələlərin əməl mərhələsinə ke- çib, zərurətini vurğulayan tədbirləri obyektiv olaraq müsbət dəyərləndirəcəkdir! Qoy xüsusi səliqələrdən kənar, milli bir- lik var olsun!

Ölkənin daxil və xaricdə yayınlanan, milli-demokratik mətbuatımız qızıl-qələmləri ilə bəzəyən görkəmli alim, ta- rixçi, sosioloq, şair və yazarlar sırasında, köhnə sosial, siya- si həyat tərzindən, azad quzeyin demokratik həyatına gələn ən keçmiş dünyanın, isti-soyuğunu dadmış daha təcrübəli və zəngin dünya görüşlü güneyli soydaşlarımızdan umuram ki, milli azadlıq hərəkatını obyektiv olaraq qiymətləndirmək məqsədi ilə, nəfsani şücaətlərini səfərbər edib, özünü tənqid əsasında yeni nəslə ibrət dərsi olsun -deyə, keçmişdə buraxı- lan səhv və qusurlardan da söhbət açsınlar!…

Şanlı Bakıda DAK-in möhtərəm elçiləri! İzin verin bir daha sizi möhtərəm oturumunuz münasibəti ilə səmim qəlbidən təbrik edim və tükənməz uğurlar diləyim!

Dərin sayqılarımla, 21 Azər inqilabının veteranı, Professor Dr. Əli Minayi Təbrizi

Dördüncü xatirə

Azərbaycan milli cəbhəsiin qurulması uğrunda çalışdığı- mız ilk aylarda, ustanı dəvət etdiyimiz bir məktub üzərində, onun yenə əl yazısı ilə eyni məktubun burda dərc etməsini dəyərli oxuculara yerli gördüm, o məktubun anlamı belə idi:

Xüsusi Malmo məclisinə,

Fədakar silahdaşım Seyfəddin Hatəmlui vasitəsi ilə:

Əziz qardaşlar və bacılar!! Üzürlü qeybətimə görə yəqin ki, məni bağşlayarsınız!…

Milli amacla bağlı səfər zəhmətinə qatlaşan dostlarımın bu məclisdə iştirakını qənimət bilib, aşağşdakı “konstruktiv” təklifimə nəzər diqqətinizi cəlb edir və bu haqqda sağlam fikir qaynağı və işgüzar tədbirin yararılmasını umuram.

Sevimli Mir Musa Haşimi-in, 25 may 2000- tarixli naməsində milli arzu və müqədəratımız ilə bağlı tövsiyələrin və vaxtı çatmış bildirişlərin (çox təxir etmişik) həyata keçməsi üçün indiyə qədər ölkədən xaric mühacir cəmiyyətlərdə “adı var-özü yox” siyasi, sosial bir bünövrənin yaradılmasına və arzuların” quvvədən-felə” keçməsinin gerçək surətdə kordi- nalaşdırılmasına təxirə salınmaz bir zərurət vardır.

Mən milli həqqaniyyət yolunun 60 ilə yaxın yolçusu kimi 1947-ci il qanlı 21 azər çağlarından bəri, xüsusilə inqilab qartalımız Pişəvərinin Sovetdə mərmuz ölümündən bu vax- ta qədər Səttar Xan, Əli Misyo, Xiyabani və Pişəvərilər və Azərbaycanın Babək inadlı məchul əsgərlərinin ləyaqətli təsiri və oturacağı olan ənənəvi “Azərbaycan demokrat firqəsinin bərpası arzusi ilə yaşayıram. O müqəddəs mehrabi, yarım əsr bu işqal etmiş xəbis-anti demokratlardan necə xilas etməyi düşünürəm. Artıq əbədiyyətə qovuşan Şahinlərimizin bir Xü- susda vəsiyətlərin örnək tutaraq A.D.F.in fəaliyət mərkəzinin şimali Azərbaycandakı zülmüdən qurtarılması və demokrat qərb nahiyələrinin birində davam etdirilməsini lazim bilirəm.

Əziz soydaşlar! Başsız mühacir cəmiyyətlərimizin “dias- pora” hərəkətini gücləndirmək və Güney milli muxtariyyət amacına demokratik fikir və əməli tədbir ilhamı aşılamaq hədəfinə, ənənəvi firqəmizə vurulan boyağı ləkələri yuyub təmizləmək, dağılmış el-obalarımızı əsl bu azadlıq günəşinin Azərbaycan mehvəri ətrafında mərkəzləşdirmək bərpa edəcəyimiz”Firqə kəbəsinə” namaz qılmaq günümüzün baş vəzifəsidir. Yaşasın milli muxtariyyət hədəfi ilə İran federasi- yon bayrağını uca tutan Azərbaycan demokrat firqəsi!

Dərin sayğılarımla, sizin Əli Minayi Təbrizli

Usta Minayi 2001-ci ilin avqust ayında bir neçə nəfər Bakıdan və Londondan gələn soydaşlarımız ilə Malmo da qonağımız oldu. Professor Qulamriza Səbri Təbrizi bəy, usta Minayidən görkəmli alim Ziya Bünyadov üzərindən suallar soruşarkən, Usta Minayi belə dedi:”Ziya müəllim Azərbaycanın ən görkəmli alimlərindən birisi sayılırdı və məni, bu keçənlərdə onun mərmuz ölümü təəccübləndirdi, daha doğrusu çox kədərləndim. Bu barədə ustanın canlı danı- şıqlarını Səbri Təbrizi bəy tərəfindən video filminə çəkilirdi. Sonra usta Minayi dedi ki, Heydər Baba miniatürünü neçə dildə hazırlamağa başlamışıq, ancaq ingiliz dilinə çevirməkdə hələ yardımcı tapmağa müvəffəq olmamışam. Səbri Təbrizi bəy maraqla bu işi boynuna aldı və usta Minayi sevinib və ona təşəkkür etdi. Usta, bir neçə saatdan sonra bizdən ayrıldı.

Bizdə belə bir deyim var:”Sən say, gör mən sayan nə olur”! 2002-ci ilin fevral ayının 20-sində idi, gecə telefon səsləndi. Buyurun! Səbri Təbriziyəm, Londondan. Haşimi bəy, sizə bir acı xəbərim var! “Bildiyiniz kimi, usta Minayi mənə verən usta Şəhriyarın Heydər Baba poemasını bütün ingiliscəyə çe- virmişdim. Bu gecə Almaniyaya telefon açdım və işin sona çatmasını usta Minayiyə xəbər vermək istərdim. Telefon arxa- sında ustanın qızı Afaq xanım mənə dedi ki, təəssüflə atam bu gün dünyasını dəyişdi!

Səbri Təbrizi cənablarının bu gözlənilməz acı xəbəri do- ğurdandakı, mənim ürəyimi sarsıtdı. Neçə dəqiqə oturduğum yerdə əllərimi başıma qoyub kədərlənib və susdum. Sonra bu acı xəbəri telefonda İsveçin Göteborg şəhərində yaşayan usta Minayinin qədim dostu, usta Məhəməd Əli Fərzanəyə çatdır- dım. Oda çox kədərləndi.

Usta Əli Minayi Təbrizli macəralı həyata son qoyaraq, səssiz-səmirsiz aramızdan köçdu. Saysız-hesabsız sevənlərini bütün dünyanın dörd-bir yanında qəm və kədərə bürümüş idi. Daha bu sevgili insanın gözəl simasını görmək və həzin səsini eşitmək yenidən bizlərə nəsib olmayacaq. Əli Minayi Təbrizli “Bonn” şəhərinin məzarlığında qəribcəsinə torpağa tapşırıldı.

Usta Əli Minayi Təbrizli şərəfli həyatında öz xalqına sa- diq qaldı, qələm cəbhəsində yüksək başarılar qazandı və onun sanballı əsərləri Azərbaycan xalqının iftixarıdır. Usta Əli Mi- nayi Təbrizli hər zaman ürəyimizdə yaşayır, onun unudulmaz xatirələri əbədi olsun! Onun pak ruhuna rəhmətlər-şəfqətlər diləyirik!

Mir Musa Haşimi
Malmö, İsveç
Avqust 2007-ci il
mirmosa1947@gmail.com